كل سنة وانتم طيبين وعيد سعيد عليكم جميعاً،،
من الحاجات المهمة اللي حبيت اطبقها هى استراتيجية الامريكان في إخماد الدفاعات الجوية ، دايماً الأمريكان لما بينفذوا عمليات SEAD بنلاقيهم بيستخدموا بشكل رئيسي المدمرات والغواصات وبالتحديد مدمرات ارلى بيرك وطرادات تيكونديروجا واللي حمولتها بتوصل لـ 122 صاروخ land attack من فئة توماهوك !! ..
وده اللي بيخليهم ينفذوا ( الرشقات الصاروخية المدمرة ) عن طريق القطع البحرية أكتر من الطيران وده بيرجع لعوامل اقتصادية وعملياتية بسبب ساعات تشغيل الطيران المكلفة جداً عكس القطع البحرية اللي بتكون متمركزة اصلا في عرض البحر قُرب مناطق العمليات ضمن تشكيلات Task Group تابعة للاساطيل بتاعتها ومع مدى صاروخى للتوماهوك بيتخطى 1600 كم وبتوصل لـ 2000 كم !! ، وده طبعاً بيديها افضلية عن حزم صواريخ الكروز المخصصة للمقاتلات واللي بتكون اقصى مداها 950 كم زي صواريخ JASSM ، وهنا احنا بنتكلم عن إخماد كامل أو شبه كامل لشبكة دفاع جوي مش فتح ثغرات واللي بتحتاج تنفيذ أكتر من رشقة صاروخية باعداد كبيرة جداً من صواريخ الكروز لضرب محطات الرادارات والانذار وأكبر عدد ممكن من بطاريات الصواريخ ..
هنا سيناريو محاكاه للواقع قيام عدد مدمرتين ارلى بيرك بتنفيذ الرشقة الصاروخية الأولى نجحت في ضرب :
الرشقة الصاروخية التانية عن طريق غواصات اس اس ان 774 فيرجينيا نجحت في ضرب عدد:
واثناء تننفيذ الرشقتين فشلت وحدات الدفاع الجوي المُعادية في انها تصد الاغراق الصاروخي من المدمرات والغواصات مع نجاح محدود من عربات بانتسير في اعتراض بعض الصواريخ لكنها اتدمرت اثناء الرشقة الصاروخية التانية من الغواصات..
في النهاية احب اقول ان المود حقيقي ساعدنى انى انفذ استراتيجية الامريكان بنفس الدقة والتطابق ، كل الحاجات اللي كنت محتاجها زي اللي موجودة في الحقيقة لقيتها موجودة وقدرت انفذ استراتيجيتهم كأنك عايش في الواقع بالظبط ،، حقيقي فعلا شكرا لكل اللي تعبوا في تصميم المود بجد روعة
إرسال تعليق