طريقة لعب Generals Zero Hour أونلاين بدون برامج

طريقة لعب Generals Zero Hour أونلاين بدون برامج

السلام عليكم ورحمة الله وبركاته، مفروض كنت عملت المنشور ده من بدري من وقت منشور إضافة Gentool لكن الكسل بقى والانشغال فأعتذر عن التأخير.

متطلبات الطريقة:

1- لعبة Generals Zero Hour الأصلية شغالة بدون مشاكل... الأصلية لأننا هنستخدم سيرفرات اللعبة وأي تعديل عاللعبة هيخلي إضافة Gentool تمنعك من الدخول على سيرفرات اللعبة، لذا معلش أصحاب المودات يمتنعون، كفاية عليهم الميزات التانية اللي بيحصلوا عليها من تركيب الإضافة ^_^ ، طبعا محتاجين اللعبة شغالة علشان مننشغلش بالرد على مشاكل اللعبة عن الرد على الاستفسارات عن الطريقة :)

2- إضافة Gentool... وظيفتها باختصار تعديل برمجة الاونلاين بتاع اللعبة أنه يخش على السيرفرات الحالية بدل سيرفرات اللعبة القديمة اللي اتقفلت، وطبعا محدش يقولي انت قولت من غيربرامج لأن الإضافة ما هي إلا ملف مضغوط بتفك ضغطه جوا مجلد اللعبة ;) ومبتحسش بيه بعد كده، اللي حابب يشوف ميزات الإضافة يقرأ المنشور ده http://bit.ly/_GenTool، واللي حابب ينزلها على طول يدخل موقعها الرسمي http://www.gentool.net. هتنزلوا الملف اللي اسمه GenTool_v7.8.zip

التثبيت وتشغيل الأونلاين:

1- نفك ضغط ملف الإضافة جوا مجلد اللعبة، الإضافة عبارة عن ملف اسمه d3d8.dll

2- نفتح موقع https://cnc-online.net ونسجل فيه زي كما هوا موضح بالصور...

اختيار إنشاء حساب جديد على الموقع أو تسجيل دخول على حساب مسجل مسبقا

ادخال بيانات حساب جديد على الموقع.

صورة من رسالة تفعيل الحساب من الإيميل

تسجيل الدخول على الموقع باستخدام الحساب الذي تم تفعيله

عمل حساب على سيرفر C&c:Online باستخدام حسابك على الموقع

بيانات الحساب على السيرفر بعد الانتهاء

3- بعد الانتهاء من عمل حسابين على الموقع وعلى السيرفر، نفتح اللعبة ونختار خيار Online

خيار الـ Online للعب أونلاين من داخل اللعبة

استخدام بيانات الحساب اللي عملناه في الخطوات السابقة

شاشة البداية عند نجاح تسجيل الدخول لسيرفر اللعبة

عمل غرفة أو االانضمام لغرفة وبدء اللعب على السيرفر

تم بحمد الله.